Geoffrey Bache Smith

Geoffrey Bache Smith
Biografía
Nacemento	18 de outubro de 1894 ; Reino Unido
Morte	3 de decembro de 1916 (22 anos); Francia
Actividade
Ocupación	poeta
Membro de	T.C.B.S. (pt)
Carreira militar
Conflito	Primeira guerra mundial
Descrito pola fonte	Tolkien (en)

Geoffrey Bache Smith, nado o 18 de outubro de 1894 e finado en Somme (Francia) o 3 de decembro de 1916 foi un militar inglés, tenente do exército británico.

Traxectoria

Smith uniuse ao 19º batallón de servizo dos Lancashire Fusilliers, chamados 3rd Salford Pals, e participou na ofensiva do Somme. O 29 de novembro de 1916 recibiu unha ferida de metralla, e faleceu catro días despois.

Amigo da xuventude de J. R. R. Tolkien. Tolkien e Smith estudaron xuntos no King Edward's School de Birmingham. En 1918 publicouse unha colección de poemas seus, titulada A Spring Harvest, na que Tolkien escribiu o limiar.

Na cultura popular

A película biográfica de 2019 Tolkien^[1] céntrase nos primeiros anos da vida do novelista e poeta fantástico JRR Tolkien (Nicholas Hoult), o seu servizo no exército británico durante a Primeira guerra mundial e a súa estreita amizade con Geoffrey Bache Smith (Anthony Boyle). Pouco despois de que Tolkien se decatase da morte de Smith na ofensiva do Somme, a última carta do verdadeiro Geoffrey Smith a Tolkien lese en voz alta en off. A película mostra entón como Tolkien preparou a edición da poesía do seu amigo caído para a súa publicación.